11 июн 10:20
Янгиликлар

Дзюдо

Бобоновнинг кумуши сабаб умумжамоа ҳисобида 10-ўринга кўтарилдик + ФОТО

Будапешт шаҳрида ўтказилаётган катталар ўртасидаги жаҳон чемпионатининг бешинчи кунги баҳсларидан сўнг медаль олган давлатлар қаторида энди Ўзбекистон ҳам бор.

Айнан Давлат Бобоновнинг кумуш медали сабаб Ўзбекистон терма жамоаси жаҳон чемпионатида иштирок этаётган дунёнинг 118 давлати орасида умумжамоа ҳисобида 10-ўринга кўтарилиб олди. Агар дзюдочимиз чемпион бўлганида, ҳозир 4-ўринга кўтарилар эдик.

Медаллар жамғариш бўйича ҳамон катта фарқ билан Япония терма жамоаси пешқадамлик қиляпти. Дзюдо ватани вакиллари 3 та олтин, 3 та кумуш, 1 та бронза медали билан биринчи ўринни банд этишган. Испания терма жамоаси Николоз Шеразадишвилининг кечаги олтин медали эвазига иккинчи ўринга кўтарилиб олди. Биттадан олтин ва кумуш медалга эга Грузия терма жамоаси кучли учликка якун ясаб берган.