Бобур Қурбонов чемпионлик жангидаги баҳсли мағлубиятини изоҳлади

Ҳамюртимиз мазкур жангдаги мағлубиятини қуйидагича изоҳлади:

"Ассалому алайкум, ҳурматли дўстлар! Жангни ютқаздик, лекин Худога шукур, ўзимга ҳеч нарса қилмади. Мен ҳеч нарса дея олмайман. Нега ундай бўлди? Чарчадим тўғриси. Лекин ишонаманки, дастлабки учта раундни ютдим. Тўртинчи ва бешинчи раундларни ютқаздим. Буни ҳам тан оламан. Икки марта жангни тўхтатишга буйруқ берилди, лекин билмадим, нега жанг тўхтатилмади. 

Қонга беландик, мен ютдим, деб ўйлаган эдим. 4-5-раундларни бердик, лекин қолганларини аниқ ютдим, деб ўйлаган эдим. Майли энди, нима ҳам қиламиз, бу спорт. Учинчи жангга келишиб олдик. Худо хоҳласа, бу сафаргисига яхши тайёргарлик кўрамиз. Узр, мухлислар, ютишни жуда хоҳлагандим. Аллоҳни айтгани бўлар экан, бу сафар ютқазишимиз керак экан. Минг бор узр, мухлислар!".

Эслатиб ўтамиз, Қурбонов - Бобришев реванш жанги MMA Series 70 турнири доирасида ўтказилди. Чемпионлик жанги тўлиқ 5 раунд давом этди ва унда ҳакамларнинг баҳсли қарори туфайли Бобур Қурбонов мағлуб бўлиб, чемпионлик камаридан маҳрум бўлди.