Бодибилдингчиларимиз жаҳон чемпионатида иштирок этади

Чемпионатда иштирок этиш учун Ўзбекистон спорт делегацияси Темур Собиров бошчилигидаги 2 нафар мураббий, 2 нафар ҳакам ва 12 нафар спортчи билан жўнаб кетади. Уларнинг сарф-харажатлари Жисмоний тарбия ва спорт вазирлиги томонидан молиялаштирилади.

Мазкур жаҳон чемпионати Халқаро бодибилдинг федерацияси тартиб-қоидаларига мувофиқ бир йилда бир маротаба ўтказиладиган нуфузли халқаро мусобақа ҳисобланади.

Ушбу мусобақада бодибилдинг бўйича дунёнинг 29 та давлатидан 600 нафарга яқин энг кучли спортчилар иштирок этади. Бу эса ўз ўрнида бодибилдинг спорт тури бўйича Ўзбекистон терма жамоаси аъзоларининг жисмоний ҳолатини текшириш ва келгуси мусобақаларда юқори натижага эришиш ва тайёргарлик кўриш вазифасини бажаради.

Чеджу шаҳрида бодибилдинг ва фитнеснинг WBPF йўналиши бўйича катталар ва ёшлар ўртасида бўлиб ўтадиган жаҳон чемпионатида иштирок этувчи Ўзбекистон спорт делегациясининг таркиби қуйидагича:

1. Елена Бекирова

2. Рушана Максумова

3. Достон Хасанов

4. Хабибулла Низамов

5. Павел Умурзаков

6. Гулжахон Турдикулова

7. Бахшулла Сайфуллаев

8. Николай Филиппов

9. Ангилина Осипян

10. Шамшод Кабилов

11. Вячеслав Джураев

12. Данил Свечников