22 июл 13:37
Янгиликлар
Бокс/ММА
Богдан Гусков: «Анкалаев ярим оғир вазн тоифасидаги энг кучли жангчи»
Ўзбекистонлик UFC жангчиси Богдан Гусков россиялик собиқ чемпион Магомед Анкалаевга юқори баҳо бериб, уни ярим оғир вазн тоифасидаги энг кучли жангчи деб атади.
«Анкалаев — дивизионимиздаги энг кучли жангчи. Унинг Перейрага қарши жангдаги мағлубиятига келсак, бу шунчаки омадсиз кун эди. Магомед ҳали ҳам хавфли ва жуда кучли жангчи бўлиб қолмоқда. Шунинг учун ҳам бир рақиби вазн ташлаши кераклигини айтади, бошқаси эса парвоз жуда узоқлигини баҳона қилади. Яна бири кино кўриш ва соҳилга боришни истайди. Менга эса рақибнинг номи ва жанг ўтказиладиган жойнинг ўзи кифоя. Мен ҳаётимни ўзгартиришга ҳаракат қиламан», — деди Гусков MMA Junkie YouTube каналига берган интервьюсида.
Эслатиб ўтамиз, Магомед Анкалаев ҳамда Богдан Гусков ўртасидаги жанг 25 июль куни Бирлашган Араб Амирликларининг Абу-Даби шаҳрида бўлиб ўтадиган UFC Fight Night 282 турнири доирасида ташкил этилади.
Ҳавола :
Манба : championat.com
Фикрлар