Богдан Гусков бугунги ғалабасидан кейин нималар деди?

Жангдан кейин Гусков октагонда ўз фикрларини билдирди:

"Жонни, жин урсин сени! Умуман олганда, ҳазиллашяпман. Мен Жоннини яхши кўраман, у яқин дўстим. Буларнинг барчаси шунчаки ҳазил. Билли жангга кам вақт қолганда чақирувни қабул қилди, тайёрланишига вақт кам эди, мен барча машғулотларни Жонни учун ўтказгандим, ўнг қўлли "стойка" эгасига тайёрланаётгандим, аммо ҳаммаси ўзгариб кетди. Билли 5 кун тайёргарлик кўрди, бизда эса жанг режасини ўзгартиришга вақт йўқ эди. Бурчагимдагилар менга биринчи раундда ўрнингдан тур дейишди, лекин мен Биллининг назорат учун кўп куч сарфлаганини билардим, биз унинг бироз ишлашига имкон бердик, у чарчаганидан кейин эса биз ўз ишимизни қилдик", деди Богдан Гусков.