29 ноя 12:46
Янгиликлар

Бокс/ММА

Богдан Гусков октагонга чиқадиган UFC 311 турнири учун яна бир юлдузли жанг қўшилди

2025 йилнинг 18 январь куни АҚШнинг Калифорния штати, Лос-Анжелес шаҳрида ММА бўйича UFC 311 турнири ўтказилади.

Ташкилотчилар томонидан турнирнинг навбатдаги жанги эълон қилинди.

Ўрта вазн тоифасида жангларини олиб борувчи америкалик аралаш яккакураш устаси Кевин Холланд (26-12) мусобақа доирасида икки вазнда ONE FC собиқ чемпиони, Нидерландия вакили Ренье де Риддер (18-2) билан тўқнаш келади.

UFC 311 турнирининг марказий жанги эса енгил вазн чемпиони Ислам Махачев ҳамда даъвогар Арман Царукян ўртасида кечади. Ҳамюртимиз Богдан Гусков мазкур турнир кардида бразилиялик собиқ жамоадоши Жонни Уокер билан тўқнаш келади.

Маълумот ўрнида, бу Ренье де Риддер учун UFC'даги иккинчи жанг бўлади. У дастлабки баҳсида Жеральд Мёршарт устидан ғалаба қозонган эди.