29 окт 09:57
Янгиликлар

Бокс/ММА

Богдан Гусков рейтингида бир нечта ўзгаришлар рўй берди

UFC 321 турнири натижалари асосида бир нечта вазн тоифаларининг янгиланган рейтингида ўзгаришлар кузатилди.

Жумладан, ҳамюртимиз Богдан Гусковнинг ярим оғир вазн тоифаси рейтингида қатор ўзгаришлар бўлди. Айнан UFC 321 турнирида ажойиб ғалабага эришган Азамат Мурзаканов уч поғонага юқорилаб, 7-ўринга жойлашди. Россиялик аралаш яккакураш устаси австриялик Александр Ракични кучли жэб зарбаси билан чуқур нокаутга учратган эди. Ракич 7-ўриндан 10-поғонага тушиб кетди.

Чемпионлик камари учун собиқ даъвогар Халил Раунтри 4-ўринга кўтарилиб олди. Аксинча, Богдан Гусковнинг бўлажак рақиби Ян Блахович 4-ўриндан 5-поғонага тушди. Гусков эса бу сафар ҳам рейтингда ўзгаришсиз қолди - 11-ўрин! Вазн чемпиони - Алекс Перейра! Иржи Прохазка биринчи, эндиликда собиқ чемпион Магомед Анкалаев кейинги ўриндан жой олган.