Богдан Гусковнинг кейинги рақиби ким бўлиши аниқ

Vestnik MMA нашрининг маълум қилишича, Гусков кейинги жангида ҳам польшалик Ян Блахович билан тўқнаш келади. Реванш жанги 10 май куни АҚШнинг Ньюарк шаҳрида ташкил этиладиган UFC 328 турнири доирасида ўтказилади.

Ёдингизда бўлса, спортчилар ўртасидаги илк беллашув дуранг натижа билан якунланган эди.

Маълумот учун, 33 ёшли Богдан Гусков фаолияти давомида 22 та жанг ўтказиб, 18 ғалаба, 3 мағлубият ва 1 та дуранг қайд этган. У UFC рейтингида тўққизинчи ўринни эгаллаб турибди. Рейтингнинг бешинчи поғонасида қайд этилган 42 ёшли собиқ чемпион Ян Блахович ҳисобида эса 29 ғалаба, 11 мағлубият ва 2 дуранг бор.