03 июл 16:25
Янгиликлар

Болалар спорти

Бўка туманида “Ёшлар Кубоги” беллашувлари ўтказилди

Тошкент вилоятининг Бўка туманидаги “Бўстон” номли ёшлар истироҳат боғида туман ёшлари иштирокида “Ёшлар Кубоги” доирасида спортнинг стол тенниси ва волейбол турлари бўйича беллашувлар бўлиб ўтди.

Тошкент вилоятининг “яшил” ҳудудига киритилган мазкур туманда ўтказилган мусобақа “Ёшлар куни”га бағишланиб, Бўка туман ҳокимлиги, вилоят жисмоний тарбия ва спорт бошқармаси, туман жисмоний тарбия ва спорт бўлими, туман болалар-ўсмирлар спорт мактаби ташаббуси билан ташкил этилди.

Мусобақада 80 нафардан ортиқ ёшлар айни карантин қоидаларига қатъий амал қилган ҳолда ўзаро куч синашишди. Қизиқарли ва муросасиз ўтган беллашувлар якунида ғолиб ва совриндорлар Тошкент вилояти жисмоний тарбия ва спорт бошқармаси ҳамда “Бўка – Бўстон баҳори” номли фермер хўжалиги томонидан диплом, медаль ва эсдалик совғалари билан мукофотланишди.