Бокс бўйича 2023 йилги Ўзбекистон чемпионати якунланди (Барча натижалар)

Кун давомида эркаклар ўртасида 13 та вазн тоифасида ғолиб ва совриндорлар номи аниқланди.

Эркаклар ўртасидаги беллашувларнинг ғолиб ва совриндорлари:

-48 кг: Шодиёржон Мелиқўзиев (Фарғона 1) - Авазжон Йўлдошев (Фарғона 2), (Ҳакамларнинг якдил қарори билан) 

-51 кг: Асилбек Жалилов (Бухоро) - Муҳаммадқодир Мамиржонов (ЖТСУ), (Ҳакамлар қарори билан) 

-54 кг: Шаҳзод Музаффаров (Бухоро) - Фозилжон Абдумуродов (Жиззах), (Ҳакамларнинг якдил қарори билан)

-57 кг: Миразиз Мирзаҳалилов (Фарғона 1) - Худойназар Файзов (Тошкент вилояти), (Ҳакамларнинг якдил қарори билан)  

-60 кг: Дилшод Абдумуродов (Сурхондарё) - Асадбек Ражабов (Ёшлар ТЖ), (Ҳакамлар қарори билан) 

-63,5 кг: Руслан Абдуллаев (Тошкент вилояти) - Мужибилло Турсунов (Андижон 1), (Ҳакамларнинг якдил қарори билан) 

-67 кг: Камронбек Турғунбоев (Тошкент) - Шавкатжон Болтаев (Ёшлар ТЖ), (Рақиб жангга чиқмади) 

-71 кг: Асадхўжа Мўйдинхўжаев (Фарғона 1) - Ҳавасбек Асадуллаев (Андижон 2), (Рақиб жангга чиқмади)

-75 кг: Аълохон Абдуллаев (Наманган) - Жавоҳир Умматалиев (Ёшлар ТЖ), (Ҳакамлар қарори билан) 

-80 кг: Тўрабек Хабибуллаев (Тошкент вилояти) - Жасурбек Йўлдошев (РОПЗМ), (Ҳакамларнинг якдил қарори билан)  

-86 кг: Шоҳжаҳон Абдуллаев (РОПЗМ) - Самандар Жалолов (Тошкент), (Абдуллаевнинг бурчаги 2-раундда жангни давом эттирмади) 

-92 кг: Лазизбек Мулложонов (Фарғона 1) - Мадияр Саидраҳимов (Тошкент вилояти), (Ҳакамларнинг якдил қарори билан)

+92 кг: Жаҳонгир Зокиров (Жиззах) - Абдураҳим Жўраев (Тошкент), (Ҳакамларнинг якдил қарори билан).

-------------------------------------------------------------

19:01. Энг оғир вазн тоифасида ўтказилган финал жангида жиззахлик Жаҳонгир Зокиров Тошкент вакили Абдураҳим Жўраевни ҳакамларнинг якдил қарори билан мағлубиятга учратди ва Ўзбекистон чемпионати ғолибига айланди.

18:45. Лазизбек Мулложонов ва Мадияр Саидраҳимов ўртасидаги жанг тўлиқ давом этди. Жангда Мулложонов ҳакамларнинг якдил қарори билан 5:0 ҳисобида ғалаба қозонди ва Ўзбекистон чемпионлигини қўлга киритди.

18:29. Навбатдаги жангда Шоҳжаҳон Абдуллаев бурчаги 2-раундда жангни давом эттиришни истамагани сабабли, Саманжар Жалолов Ўзбекистон чемпиони унвонига эга бўлди.

18:15. Навбатдаги жанг ҳам якунланди. Унда Тошкент вилояти боксчиси Тўрабек Хабибуллаев РОПЗМ талабаси Жасурбек Йўлдошевга қарши рингга чиқди ва ҳакамларнинг якдил қарори билан 5:0 ҳисобида ғалаба қозониб, Ўзбекистон чемпионига айланди.

18:02. Ўзбекистон чемпионати доирасида навбатдаги жанг - 80 кг вазн тоифасида Тошкент вилояти вакили Тўрабек Хабибуллаев ҳамда РОПЗМ талабаси Жасурбек Йўлдошев ўртасида кечади.

17:58. -75 кг вазн тоифасидаги финал жангида Аълохон Абдуллаев Жавоҳир Умматалиев билан баҳс олиб борди ва ҳакамлар қарори билан 3:2 ҳисобида ғалаба қозониб, Ўзбекистон чемпионати ғолибига айланди.

17:45. -71 кг вазн тоифасида ҳам шундай ҳолат содир бўлмоқда. Асадхўжа Мўйдинхўжаев жароҳат сабаб рингга чиқмади, Ҳавасбек Асадуллаев чемпион деб эълон қилинди.

17:44. -67 кг вазн тоифасидаги финал жангида Ёшлар терма жамоаси аъзоси Шавкатжон Болтаев рингга чиқмагани сабабли, Тошкент вакили Камронбек Турғунбоев ғолиб деб эълон қилинди.

17:40. Руслан Абдуллаев - Мужибилло Турсунов жанги тўлиқ давом этди. Жангда Руслан Абдуллаев ҳакамларнинг якдил қарори билан ғалаба қозонди ва Ўзбекистон чемпионига айланди!

17:29. Ўзбекистон чемпионатида энг кутилган жанг - Руслан Абдуллаев ва Мужибилло Турсунов тўқнашуви старт олди.

17:23. Дилшод Абдумуродов ҳамда Асадбек Ражабов ўртасида ўтказилган -60 кг вазн тоифасининг финал беллашувида сурхондарёлик Дилшод Абдумуродов ҳакамлар қарори билан 4:1 ҳисобида ғалаба қозонди ва ўтган йилги чемпионлигини муносиб ҳимоя қилди.

17:10. Кейинги жанг - 60 кг вазн тоифасида сурхондарёлик Дилшод Абдумуродов ҳамда Ёшлар терма жамоаси аъзоси Асадбек Ражабов ўртасида кечади.

17:06. Ўзбекистон чемпионатида навбатдаги финал жанги якунланди. -57 кг вазн тоифасида ўтказилган жангда фарғоналик Миразиз Мирзаҳалилов Тошкент вилояти вакили Худойназар Файзовни енгиб, ўз чемпионлигини сақлаб қолди.

16:48. Жанг тўлиқ давом этди. Унда Шаҳзод Музаффаров ҳакамларнинг якдил қарори билан ғалаба қозонди ва Ўзбекистон чемпионига айланди!

16:35. Навбатдаги жанг -54 кг вазн тоифасида бухоролик Шаҳзод Музаффаров ҳамда Жиззах вакили Фозил Абдумуродов ўртасида кечади. Маълумот учун, Музаффаров ушбу вазннинг амалдаги чемпиони ҳисобланади.

16:31. Жанг якунланди. Асилбек Жалилов ҳакамларнинг якдил қарорига кўра, 5:0 ҳисоби билан Муҳаммадқодир Мамиржоновни мағлубиятга учратди ва Ўзбекистон чемпиони унвонига сазовор бўлди.

16:20. Бизда куннинг иккинчи финали старт олмоқда. -51 кг вазн тоифасида бухоролик амалдаги чемпион Асилбек Жалилов Жисмоний тарбия ва спорт университети талабаси Муҳаммадқодир Мамиржоновга қарши жанг қилади.

16:15. Икки фарғоналиклар қарама-қаршилигида Шодиёр Мелиқўзиев ҳакамларнинг якдил қарори билан очколар ҳисобига кўра ғалаба қозонди ва -48 кг вазн тоифасида 2023 йилги Ўзбекистон чемпионати ғолибига айланди.

16:01. Оқшомнинг илк жанги старт олмоқда. Унда Шодиёржон Мелиқўзиев ҳамда Авазжон Йўлдошев -48 кг вазн чемпионлиги учун баҳс олиб боради.

15:50. Ассалому алайкум қадрли бокс мухлислари! Бугун бокс бўйича катталар ўртасида 2023 йилги Ўзбекистон чемпионатининг ҳал қилувчи, финал беллашувлари ўтказилмоқда. Жангларни "Спорт" телеканали орқали кузатиб боришингиз мумкин.