Бокс бўйича Япония терма жамоаси мураббийи россияликларнинг Осиё ўйинларида иштирок этишига қарши чиқди

Бокс бўйича Япония аёллар терма жамоаси мураббийи Хияма Сигеру Осиё ўйинларига Россия ва Беларусь спортчиларини таклиф этиш ғоясини қўллаб-қувватламайди.

"Россия ва Беларусь Европа давлатлари. Шундан келиб чиқиб, нега улар Осиёда рақобатлашишлари кераклигини тушунмаяпман. Осиё давлатлари боксда кучли. Бизда Ўзбекистон, Ҳиндистон бор. Бу масала бўйича йиғилиш бўлиб ўтади ва биз бундай ҳаракатга қарши чиқамиз", - дея Сигерунинг сўзларини келтиради Hindustan Times нашри.