Бокс. Ўсмирлар ўртасидаги Жаҳон чемпионатида 11 та медаль қўлга киритган терма жамоамиз умумжамоа ҳисобида нечанчи бўлди?

Мусобақада терма жамоамиз аъзолари 4 та олтин, 3 та кумуш ва 4 та бронза медалини қўлга киритишди. 

Аҳамиятлиси, ушбу натижа орқали Ўзбекистон ўсмирлар терма жамоаси Жаҳон чемпионатини 51 давлат орасида умумжамоа ҳисобида учинчи ўринда якунлади.

Биринчи ўрин 7 та олтин, 2 та кумуш ва 7 та бронза медалига эга чиққан Россия терма жамоасига насиб этган бўлса, иккинчи ўриндан 4 та олтин, 5 та кумуш ҳамда 1 та бронза медалини қўлга киритган мезбон Арманистон давлати жой олди.