Бокс. Ўсмирларимиз Осиё чемпионатида 4 та олтин медаль қўлга киритишди, навбат қизларга

Аввалроқ, бугун мусобақа доирасида 11 нафар боксчимиз финал жангини ўтказиши ҳақида хабар қилгандик. Ҳозирча, йигитлар ўртасида беллашувлар якунига етди. 13 та вазн тоифасида 6 нафар боксчимиз финалгача етиб борганди. 6 боксчимизнинг 4 нафари финалда рақибларини мағлубиятга учратди ва олтин медалга сазовор бўлди. Икки боксчимиз эса кумуш медалга эга чиқди. Кеча ярим финал якунларига кўра, 6 нафар боксчимиз бронза медалига сазовор бўлганди. 

-57 кг: Билолбек Ихволов - Ерасил Ермек (Қозоғистон) (мағлубият)

-60 кг: Бекзод Бекмуродов - Абзал Серик (Қозоғистон) (мағлубият)

-63 кг: Азизбек Тожиев - Йогеш Кагра (Ҳиндистон) (ғалаба)

-70 кг: Логин Петров - Раҳуль (Ҳиндистон) (ғалаба)

-75 кг: Нусратбек Тоҳиров - Пу Янг (Хитой) (ғалаба)

+80 кг: Жаҳонгир Зокиров - Арген Бактибеков (Қирғизистон) (нокаут эвазига ғалаба)

Бироздан сўнг мусобақада қизлар ўртасидаги баҳсларга старт берилади. Унда 5 нафар боксчимиз рингга кўтарилади:

-48 кг: Сабина Бобоқулова - Таманна (Ҳиндистон)

-50 кг: Феруза Казакова - Ланпинг Денг (Хитой)

-52 кг: Нигина Ўктамова - Танну (Ҳиндистон)

-60 кг: Моҳира Аҳмедова - Прити Даҳия (Ҳинистон)

-63 кг: Азиза Зокирова - Ҳуши (Ҳиндистон)