Бокс. Ўзбекистон эркаклар терма жамоаси Осиё чемпионатини 5 та олтин медаль билан якунлаб, биринчи бўлди

Ўзбекистон эркаклар терма жамоаси мусобақа якунига кўра 5 та олтин, 2 та кумуш ва 3 та бронза медалларини қўлга киритди. 

Терма жамоамиз сафида қуйидаги боксчиларимиз совриндор бўлишди:

Олтин:

-51 кг: Ҳасанбой Дўсматов

-57 кг: Абдумалик Халаков

-63,5 кг: Руслан Абдуллаев

-75 кг: Саиджамшид Жафаров

+92 кг: Лазизбек Мулложонов

Кумуш: 

-80 кг: Одилжон Аслонов

-92 кг: Мадияр Саидраҳимов

Бронза: 

-54 кг: Шахзод Музаффаров

-60 кг: Адҳамжон Мухиддинов

-67 кг: Асадхўжа Мўйдинхўжаев.

Ушбу натижа орқали Ўзбекистон эркаклар терма жамоаси умумжамоа ҳисобида биринчи ўринни эгаллади. 

Кеча аёллар ўртасидаги баҳслар ўз якунига етган ва унда Навбаҳор Ҳамидова олтин, Соҳиба Рўзметова кумуш ва Фарзона Фозилова бронза медалларини қўлга киритганди.

Боксчиларимизнинг финал жангларидаги натижаларини ушбу саҳифа орқали кузатиб боришингиз мумкин бўлади. 

САҲИФАНИ ЯНГИЛАШ

+92 кг вазн тоифасида Лазизбек Мулложонов Камшибек Конкабаевни мағлубиятга учратди ва олтин медалга эга чиқди! Бешинчи олтин!

-92 кг вазн тоифасида Мадияр Саидраҳимов қозоғистонлик Айбек Оралбайга имкониятни бой бериб қўйди. Иккинчи кумуш...

-86 кг вазн тоифасида Таиланд вакили Йомхот Жаккапонг иорданиялик Аделхиндави Одаини мағлуб этди.

-80 кг вазн тоифасида ҳамюртимиз Одилжон Аслонов финалда мезбон иорданиялик Ҳуссайн Иашишга қарши жанг қилди ва ҳакамлар қарорига кўра мағлуб бўлди. Кумуш...

-75 кг: Саиджамшид Жафаров қозоғистонлик Нурканат Райисга қарши рингга кўтарилди ва 5:0 ҳисобида ғалаба қозонди! Ўзбекистон эркаклар терма жамоасида тўртинчи олтин!

-71 кг: Қозоғистонлик Асланбек Шимбергенов иорданиялик Зияд Иашишдан устун келди ва олтин медални қўлга киритди. Қозоғистон эркаклар терма жамоасида иккинчи олтин.

-67 кг: Таиландлик Синсири Бунжонг Қозоғистон вакили Дулат Бекбауовдан устун келди ва олтин медаль соҳибига айланди.

-63,5 кг вазнда Руслан Абдуллаев Осиё чемпиони! Боксчимиз финалда ҳиндистонлик рақибни мағлуб этди. Рақиб 2-раундда жароҳат олди. Бу пайтга келиб Руслан очколар бўйича олдинда бораётганди.

-60 кг вазн тоифасида олтин медални мезбон Иордания вакили Абу Жажеҳ Муҳаммад қўлга киритди. У ҳал қилувчи баҳсда мўғулистонлик Буяндалай Баярхудан устун келди.

-57 кг вазн тоифасида Абдумалик Халаков қозоғистонлик Серик Темиржановдан устун келди ва Ўзбекистон эркаклар терма жамоаси ҳисобига иккинчи олтин медални қўшиб қўйди!

-54 кг вазн тоифасида филиппинлик Карло Паалам қозоғистонлик Маҳмуд Сабирханни мағлуб этди.

-51 кг. Ҳасанбой Дўсматов Сакен Бибосиновни 4:1 ҳисобида мағлубиятга учратди! Бизда илк олтин!

-48 кг вазн тоифасида қозоғистонлик Санжар Ташкенбай япониялик Аратаке Казумани мағлубиятга учратди ва олтин медални қўлга киритди. 

Жангларни УШБУ ЛИНК орқали жонли эфирда томоша қилишингиз мумкин. 

Эркаклар ўртасидаги баҳсларга 7 нафар ўзбекистонлик боксчи етиб келган. Жанглар соат 15:00да бошланади. 

-51 кг: Ҳасанбой Дўсматов - Сакен Бибосинов (Қозоғистон) (15:15 дан сўнг)

-57 кг: Абдумалик Халаков - Серик Темиржанов (Қозоғистон) (15:40 дан сўнг)

-63,5 кг: Руслан Абдуллаев - Шива Тапа (Ҳиндистон) (16:10 дан сўнг)

-75 кг: Саиджамшид Жафаров - Нурканат Райис (Қозоғистон) (16:55 дан сўнг)

-80 кг: Одилжон Аслонов - Ҳусейн Иашиш (Иордания) (17:10 дан сўнг)

-92 кг: Мадияр Саидраҳимов - Айбек Оралбай (Қозоғистон) (17:40 дан сўнг)

+92 кг: Лазизбек Мулложонов - Камшибек Конкабаев (Қозоғистон) (17:55 дан сўнг)