Бокс. Тошкент шаҳар бўлими раҳбариятида ўзгариш бўлди

Унда Ўзбекистон бокс федерацияси бош котиби Муроджон Мамадалиев, федерация бўлим бошлиғи Сардор Ташходжаев, шаҳарда фаолият олиб бораётган мураббий ва мутахассислар, фахрийлар ва ОАВ вакиллари иштирок этишди. 

Кун тартибидан ўрин олган асосий масала - шаҳар бўлими раисининг биринчи ўринбосари Шароф Худойбердиев бошқа ишга ўтиши муносабати билан унинг ўрнига бошқа номзод тайинлашдан иборат эди. Унга кўра, ушбу масъулиятли лавозимга Иномжон Олтмишев тайинланди. 

Маълумот учун, Иномжон Олтмишев Ибрахимович 1989 йилнинг 17 октябрида туғилган. Маълумоти олий. Тошкент автомобиль йўллари институтининг менежмент факультетини тамомлаган. Тўқимачилик соҳасида фаолият олиб боради. Хитой ва Туркия каби мамлакатларда тажриба тўплаган. 

Эндиликда И.Олтмишев Тошкент шаҳри боксини ривожлантириш учун ўз ҳиссасини қўшишга астойдил бел боғлаган. 

"Билдирилган ишонч учун раҳмат айтаман. Олдинда муҳим мусобақалар турибди. Ишонаманки, Тошкент шаҳри миллий терма жамоа учун муносиб номзодларни етказиб бериши учун бир ёқадан бош чиқариб, ҳамжиҳатликда иш олиб борамиз ва белгиланган вазифаларни уддалаймиз", - деди Иномжон Олтмишев. 

Йиғилиш давомида шаҳарда фаолият олиб борувчи фахрий мураббийларга эсдалик совғалари ҳам тақдим этилди.