Бокс ва ўлим. Жангдан сўнг вафот этган боксчилар ҳақида биласизми? + ВИДЕО

Унда кўплаб жароҳатлар, оғриқлар бўлади. Баъзида жанглар трагедия билан якунланиши мумкин. Шундай жанглардан бири сабаб 23 июль куни Максим Дадашев вафот этди. Максим Субриэль Матиасга қарши жангдан сўнг оғир аҳволга тушиб қолганди. Дадашевдан ташқари яна бир нечта бокс усталари рингдан сўнг шифохонага олиб кетилиб, у ердан қайтиб чиқишмаган. Бугун ана шундай воқеаларни ёдга оламиз.

Левандер Жонсон

2005 йилнинг сентябрь ойида енгил вазн тоифасида жаҳон чемпиони Левандер Жонсон вафот этди. Жонсон вафотидан беш кун илгари мексикалик Хесус Чавесга қарши ҳимоя жангини ўтказган. Хесус 11-раундда рақибини канатга қамаб қўйиб, кўплаб даҳшатли зарбалар йўллади. Ҳакам учрашувни якунлашни сўрайди, лекин чемпион бунга рози бўлмади. Бироқ Жонсон жанг охирига қадар бормади. Тўқнашув ўн биринчи раундда тўхтатилади. Баҳс якунланиши билан Эвандерни шифохонага олиб боришади. Шифокорлар унга мияга қон қуйилиши ташхисини қўйишади. Боксчи беш кун комада бўлганидан сўнг вафот этди.

Роман Симаков

2011 йил октябрь ойида Екатеринбург шаҳридаги бокс оқшомида Сергей Ковалев ҳамда Роман Симаков тўқнаш келишди. Жанг давомида Ковалев устунлик қилади, еттинчи раундда Симаков нокдаун ҳолатига тушиб қолди. Лекин Роман оёққа туришга эришади, аммо 27 сониядан сўнг ҳушини йўқотади. Шу заҳоти, боксчини шифохонага олиб борилади. Шифокорлар мия ишиши ташхисини қўйишади. Уч кундан сўнг Роман Симаков ҳаётдан кўз юмади. Шимаков вафотидан сўнг Ковалев Романнинг оиласига моддий ёрдам бериб туради.

Оскар Гонсалес

2014 йилнинг 4 февраль куни мексикалик боксчи Оскар Гонсалес Мехико шифохоналаридан бирида вафот этди. Ўлимдан уч кун аввал Оскар Хесус Галисейга қарши жанг қилади. Баҳс ғолиби ярим енгил вазн тоифасида WBC Silver камарига эга чиқарди. Жангдан аввал Гонсалеc фаворит ҳисобланарди, лекин барчаси тескари бўлди. Хесус рақибини ўнинчи раундда чуқур нокаут ҳолатига тушириб қўйди. Шундан сўнг Оскарнинг жонини сақлаб қолиш учун шифокорлар қанча ҳаракат қилишмасин, уч кунлик кома ҳолатидан сўнг вафот этади.

Герберт Нкабити

2017 йилнинг 29 апрелида Ботсваналик Герберт Нкабити ҳаётдан кўз юмди. Герберт ўлимидан бир кун илгари у Жанубий африкалик боксчи Виллис Балойига қарши рингга кўтарилганди. Олтинчи раундда Нкабити кучли ўнг қўл аперкот зарбасини ўтказиб юбориб, нокаут ҳолатига тушиб қолади. Шундан сўнг боксчини Жанубий Африканинг Бракпан шаҳридаги шифохонага олиб борилади. Шифокорлар унга мия ёрилиши ташхисини қўйишади. Боксчи шу тариқа, ўзига келмай вафот этди.

Ҳорижий сайтлар асосида Ниғмонхўжа Нозимов тайёрлади