17 янв 22:48
Янгиликлар
Бокс. Хитойдаги лицензион мусобақада иштирок этадиган боксчиларимиз рўйхати маълум
Аввалроқ, боксчиларимиз ушбу мусобақага тайёргаликнинг сўнгги босқичини олиб бориш учун Хитойга жўнаб кетганликлари ҳақида хабар қилинди.
Ўзбекистон терма жамоаси катта мураббийи Тўлқин Қиличев Инстаграмдаги саҳифасига сурат жойлаштирди. У билан бирга суратда турган боксчиларимиз катта эҳтимол билан лицензион мусобақада қатнашадилар.
Бундан ташқари, бироз аввал Ўзбекистон бокс федерацияси матбуот хизмати томонидан ҳам сурат тақдим этилди. Ушбу икки суратга қараб, таркибни тахмин қилиш қийин эмас.
Демак, суратлардан кўриниб турибдики, Токио-2020 Олимпиадасига йўлланма олиш учун қуйидаги боксчиларимиз Хитойда рингга кўтарилишади:
-52 кг: Шаҳобиддин Зоиров
-57 кг: Миразизбек Мирзаҳалилов
-63 кг: Элнур Абдураимов
-69 кг: Бобоусмон Батуров
-81 кг: Дилшодбек Рўзметов
-91 кг: Санжар Турсунов
+91 кг: Баҳодир Жалолов.
Аммо бу ҳозирча расмий маълумот эмас. Якуний таркиб мусобақа бошланишига оз вақт қолганида Ўзбекистон бокс федерацияси томонидан эълон қилиниши лозим.
Фикрлар