12 мар 09:09
Янгиликлар

Бокс/ММА

Боксчиларимиз Беларусда шоҳсупага кўтарилишди

Беларуснинг Гомель шаҳрида ёшлар ўртасида афсонавий чарм қўлқоп устаси Алексей Юков соврини учун халқаро турнир ўтказилди.

Ушбу халқаро мусобақада иштирок этган ёш боксчиларимиз 1та олтин ва 3та кумуш медалини қўлга киритишди. 60 килограммгача вазн тоифасида рингга кўтарилган Ҳусанжон Каримов финалда беларуслик Димитрий Балковга қарши ўтказди. Вакилимиз рақибига ҳеч қандай имконият қолдирмади ва олтин медални қўлга киритди.

Финалга қадар ўз вазн тоифаларида муваффақиятли иштирок этган Самандар Зафаров, Мирзабек Мирзахалилов, Комилжон Юсупов каби боксчиларимиз турнирнинг кумуш медали билан тақдирланди.

Нуфузли турнирда Беларусь боксчиларидан ташқари, Ўзбекистон, Россия, Қозоғистон, Литва, Украина, Қирғизистон ҳамда Молдовадан келган 250 нафардан ортиқ чарм қўлқоп устаси ғолиблик учун ўзаро баҳс олиб борди.