14 июн 14:00
Янгиликлар
Бокс/ММА
Боксчиларимиз Доғистондаги турнирда олтин ва кумуш медаль қўлга киритишди
Россия Федерациясининг Доғистон Республикасида бокс бўйича И.Умаханов хотирасига бағишланган халқаро турнир ниҳоясига етди.
Ушбу мусобақада ўзбекистонлик боксчилар ҳам иштирок этишди.
-56кг вазн тоифасида юртимиз шарафини ҳимоя қилган Абдулҳай Шораҳматов беллашувларнинг финалига қадар етиб борди ва ҳал қилувчи жангда қирғизистонлик Сирожиддин Абдуллаевни мағлубиятга учратди. Шу тариқа Абдулҳай турнирдан олтин медаль билан қайтди.
-49кг вазн тоифасида мусобақада қатнашган Нодиржон Мирзаҳмедов ҳам турнир финалига қадар етиб борди. Аммо, ҳал қилувчи баҳсда у россиялик Эдмонд Худоянга имкониятни бой берди ва мусобақанинг кумуш медали билан кифояланди.
Ҳавола :
Манба : olamsport.com
Фикрлар