12 июл 14:32
Янгиликлар

Бокс/ММА, Париж-2024

Боксчиларимиз Олимпиадага тайёргарликни Нансида давом эттиришяпти + ВИДЕО

Бокс бўйича Ўзбекистон эркаклар терма жамоаси айни кунларда Франциянинг Нанси шаҳрида халқаро ўқув-машғулот йиғинини олиб бормоқда.

Хабар берганимиздек, мазкур йиғинга Париж-2024 ёзги Олимпия ўйинларида иштирок этадиган 7 нафар боксчимиз ва уларнинг ҳар бир вазнда уч нафардан спарринг-шерликлари жалб этилган.

Нанси йиғинида Ўзбекистон, Франция, Куба, Испания, Венгрия, Хитой, Таиланд каби жами 18 давлат қатнашяпти. Машғулотлар давомида спарринг жанглари ҳам ташкил этилиб, йигитларимиз бу орқали ўз маҳоратларини янада оширишмоқда.