Боксчиларимиз World Boxing Кубогидаги рақибларини билиб олишди

Аввал хабар берилганидек, нуфузли мусобақада Элшод Расулов мураббийлигидаги Ўзбекистон терма жамоасининг тўрт нафар боксчиси ҳам ғолиблик учун рингга кўтарилади. 

Бугун ушбу Жаҳон Кубогига қуръа ташлаш маросими бўлиб ўтди ва боксчиларимиз илк жангдаги рақибларини билиб олишди. Тўрт боксчимизнинг бари рейтинги юқори бўлгани учун ўз иштирокларини тўғридан-тўғри иккинчи босқичда бошлайди.  

World Boxing ташкилоти кубогида реферимиз Маъруф Урдушев ҳакам сифатида фаолият олиб боради.

Боксчиларимиз учун қуръа натижалари:

+90 кг. Жаҳонгир Зокиров — Флорин Ионита (Руминия)/Аҳмед Ҳагаг (Австрия)

-48 кг. Фарзона Фозилова — Ҳафси (Тунис)/Фаҳир (Марокаш)

-51 кг. Феруза Казакова — Радия Гама (Бразилия)/Макси Клозе (Германия)

-65 кг. Навбаҳор Ҳамидова — Анна Женни (Швейцария)/Мена Юли (Венесуэла)