Боксчимиз АҚШда 19 та жангнинг барчасида ғалаба қозонган рақибга қарши рингга чиқади

Ҳамюртимиз 7 ноябрь куни АҚШнинг Аризона штати Тусон шаҳридаги Casino Del Sol аренасида проф фаолиятидаги 20-жангида рингга кўтарилади. Худойназаровнинг рақиби мағлубият ва муроса нималигини билмай келаётган мексикалик Сантьяго Домингес бўлади. 

Маълумот учун, 28 ёшли Домингес проф рингда 19 та жанг ўтказган бўлиб, уларнинг барчасида ғалаба қозонган. Ўн бешта жангда рақибларини нокаутга учратган. 35 ёшли боксчимиз эса 19 та жангининг 17 тасида ғалабага эришган. Ҳисобида 13 та нокутли ғалаба бор. Сўнгги иккита жангида эса мағлубият аламини тотиб кўрган.    

Худойназаров - Домингес жанги вакант бўлиб турган World Boxing Council United States (USNBC) кумуш камари учун кечади. Ушбу бокс оқшоми америкалик афсонавий боксчи Рой Жонс томонидан ташкил этиляпти.