Боксчимиз рингга чиқадиган Zuffa Boxing 6 турнирининг тўлиқ карди тасдиқланди

Биз учун аҳамиятлиси, Apex аренаси мезбонлик қиладиган профессионал бокс лигасининг олтинчи турнирида чарм қўлқоп устамиз Раҳматулло Бойматов ҳам ўз жангини ўтказади. Ярим оғир вазн тоифасидаги боксчимиз Эл Стэнтонга қарши рингга кўтарилади. 

Бу Бойматов учун проф боксдаги дебют жанг бўлади. Америкалик рақиби эса шу кунгача проф боксда 10 та жанг ўтказиб, 9 та ғалаба ва 1 та мағлубият қайд этган. Мазкур жанг ярим оғир вазн (79,38 кг) тоифасида 6 раундлик тўқнашув бўлади. 

Zuffa Boxing 6 турнирининг асосий жанги ўрта вазн тоифасида украиналик 31 ёшли Сергей Богачук ҳамда америкалик 35 яшар Шейн Мозли ўртасида бўлиб ўтади. 

Zuffa Boxing 6 турнирининг тўлиқ карди:

Ўрта вазн: Сергей Богачук – Шейн Мозли (10 раунд)

Ярим ўрта вазн: Жулиан Родригес – Жеймс Перелла (10 раунд)

Ўрта вазн: Мисаель Родригес – Андреас Кацуракис (10 раунд)

Ярим оғир вазн: Рафаэль Монни – Сурай Махмутович (8 раунд)

Енгил вазн: Жастин Вилория – Ибан Ортис (8 раунд)

Супероғир вазн: Да’Мазион Ванхутер – Рафаэль Мёрфи (8 раунд)

Ўта енгил вазн: Эмилиано Карденас – Алексис Альварадо (6 раунд)

Ярим оғир вазн: Раҳматулло Бойматов – Эл Стэнтон (6 раунд)