09 июл 20:28
Янгиликлар

Бокс/ММА

Боксчимиз Улуғбек Собиров янги компания билан шартнома имзолади

Профессионал боксчимиз Улуғбек Собиров янги промоутерлик компанияси билан ҳамкорликни бошлади.

Боксчимиз Olamsport.com сайти мухбири билан суҳбатда бу ҳақида маълумот берди.

"Энди профессионал фаолиятимни Ҳиндистоннинг "Hope and Glory" промоутерлик компаниясида давом эттираман. Шартнома тўрт йил муддатга имзоланди. Унга кўра йилига ўртача ҳисобда учта жанг ўтказаман", - деди Улуғбек Собиров.

Эслатиб ўтамиз, 1998 йилда таваллуд топган Собиров шу кунгача проф рингда 11 та жанг ўтказган ва уларнинг 10 тасида ғалаба қозонган (6 та нокаут). 1 та жангда эса имкониятни бой бериб қўйган.

Биз боксчимизга проф рингдаги янги фаолиятида муваффақиятлар тилаймиз.