25 авг 20:48
Янгиликлар
Боксчимиз Вьетнамда чемпионлик камари учун 12 раундлик жанг ўтказди
Жами 8 та жанг ўрин олган бокс оқшомига District 7 Arena мезбонлик қилди. Ана шу 8 та жангнинг 3 таси бевосита ўзбекистонлик боксчилар иштирокида кечди. Шохруҳ Ашуров кореялик Канг Сеон Жонг билан дуранг қайд этди. Равшанбек Шерматов эса хитойлик Бинг Ченг Зоудан устун келди.
Оқшомнинг марказий жанги ҳам айнан ҳамюртимиз иштирокида бўлиб ўтди. Тажрибали Олимжон Назаров вакант бўлиб турган WBO Oriental чемпионлик камари учун филиппинлик Иван Сорианога қарши рингга кўтарилди. Ўн икки раундлик жанг якунида ҳакамлар бир овоздан 116:112, 116:112, 116:112 ҳисобидаги ғалабани Назаровга тақдим этишди.
Маълумот учун, Олимжон Назаров проф рингда бугунгиси билан қўшиб ҳисоблаганда 24 та жанг ўтказиб, 19 ғалабага эришган. Ҳисобида 11 та нокаут бор. Бешта жангда мағлубият аламини тотиб кўрган. Сориано ҳам Назаров сингари 24 та жанг ўтказди. Ана шу жангларнинг 20 тасида ғалаба қозонган, 20 таси нокаут билан. Бугун учинчи мағлубиятини қабул қилиб олди. Битта жанг дуранг билан якунланган.
Фикрлар