Боку. 2 боксчимизда бронза, бугун 8 нафар ҳамюртимиз финалда рингга чиқади

Кеча турнир доирасида ярим финал жанглари бўлиб ўтди. Унда рингга кўтарилган боксчиларимизнинг 8 нафари ғалаба қозонди ва финалга йўл олди. Икки боксчимиз эса имкониятни бой бериб қўйди ва бронза медалини қўлга киритди. 

Бугун финал доирасида Ҳумоюнмирзо Абдурасулов (-35,5 кг), Ҳожиакбар Маҳмудов (-38,5 кг), Фаррух Тўлаганов (-40 кг), Жамолиддиин Холиқов (-41,5 кг), Лазизбек Тўлқинов (-50 кг), Далержон Бозоров (-52 кг), Жаҳонгир Нарзиев (-57 кг), Абдулазиз Абдураҳмонов (-59 кг) каби ёш боксчиларимиз рингга кўтариладилар. 

54-кг вазндаги Жасурбек Мўминов озарбайжонлик рақибига имкониятни бой берди, -46 кг вазн тоифасидаги Бобурбек Бобожонов ҳам ярим финалда мезбон спортчи Раван Хачиевга ютқазиб қўйди ва бронза медалига сазовор бўлди. Эслатиб ўтамиз, боксчиларимиз мусобақада мураббийлар Шерзод Абдураҳмонов ва Сирожиддин Адинаев қўл остида иштирок этишмоқда.

Финал жанглари Тошкент вақти билан соат 16:00 дан сўнг бошланади. 

Бокс ҳақидаги энг сўнгги янгиликларни ТЕЛЕГРАМ орқали кузатиб боринг!

Ўзбекистон бокс федерацияси матбуот хизмати