17 сен 17:50
Янгиликлар

Гимнастика

Бокуда гимнастикачиларимиз ЖЧдаги иштирокни бошлашди

Озарбайжоннинг Боку шаҳрида бадиий гимнастика бўйича 37-жаҳон чемпионати бошланди.

Токио Олимпиадасига тўғридан тўғри йўлланма берувчи мазкур мусобақада терма жамомиз вакиллари ҳам юртимиз шарафини ҳимоя қилишмоқда. Мусобақанинг кўпкураш йўналишида Сабина Ташкенбаева, Екатерина Фетисова ҳамда Нуриниссо Усмонова ўз чиқишини намойиш этса, гуруҳ беллашувларида Нилуфар Шомуродова, Динара Равшанбекова, Софиябону Касимова, Камола Ирназарова, Ксения Александрова ҳамда Севара Сафоева иштирок этади.

Регламентга кўра, яккалик баҳсида кучли 16 таликка кирган иштирокчилар келаси йили Токиода бўлиб ўтадиган Олимпия ўйинларига йўлланма олишлари мумкин. Гуруҳ йўналишида эса энг кучли беш жамоа ўзлари учун Токио йўлланмасини нақд қилиб қўяди.