"Бўлди, чемпион бўлдинг. Балки етар?". Махачев онасининг жангларга муносабати ҳақида гапирди

"Онам жангларимни кўрмайди. Нафақат менинг, умуман жангларни кўрмайди. Одамлар бир-бирини қандай ураётганини кўра олмайди. Уйга қайтганимда (Волкановски билан жангдан сўнг) менга шундай дедилар: "Бўлди, чемпион бўлдинг. Балки етар? Хабиб онасининг гапига кирди, сен қачон онангнинг гапига қулоқ соласан?". Мен унга яна озгина қолганлигини айтаман. Хабиб камарини ҳимоя қилган, мен ҳам ҳимоя қилишим керак. Онам учун оғир мавзу. Отам эса аксинча барча жангларимни томоша қилади", - деди Ислам.