Большунов битта Олимпиадада 5 та медаль қўлга киритган илк чанғичи бўлди

Пекин-2022 ўйинларида Большунов 3 та олтин (скиатлон, эстафета ва марафонда), алоҳида стартдаги пойгада кумуш ва жамоавий спринтда бронза медалини қўлга киритди. 

2018 йили Пхёнчханда бўлиб ўтган Олимпиадада Большунов тўртта медалга эга чиққанди. Бунгача норвегиялик спортчилар Петтер Нортуг (2010), Бьорн Дэли (1992, 1994, 1998), Вегард Ульванг (1992), шунингдек Швеция вакиллари Гунде Сван (1984) ва Сикстен Йернберг (1956) битта Олимпия ўйинларида тўртта медални ўз терма жамоаси ҳисобига қўшиб қўйганди. 

Яна бир қўшимча маълумот, Большунов Олимпия ўйинларининг ёпилиш маросимида Россия Олимпия қўмитаси терма жамоасининг байроқдори бўлади.