21 апр 16:06
Янгиликлар

Дзюдо

Болтабоев финалда, Расулов 7-ўрин билан кифояланди

Фужайра шаҳрида давом этаётган дзюдо бўйича катталар ўртасидаги Осиё чемпионатида яна бир медални қўлга киритишимиз аниқ бўлди.

-81 кг вазн тоифасида юртимиз шарафини ҳимоя қилаётган Шарофиддин Болтабоев ярим финал учрашувида қозоғистонлик Дидар Ҳамзани мағлубиятга учратиб, ҳал қилувчи финалга йўл олди. Унинг Осиё чемпионлиги учун кечадиган баҳсдаги рақиби айни дақиқаларда аниқланмоқда.

Эслатиб ўтамиз, Шарофиддин Болтабоев саралаш баҳсларида қувайтлик Абдуллоҳ Ал Ҳузам ҳамда кореялик Сунг Хо Лини мағлубиятга учратган эди. Ушбу вазн тоифасидаги иккинчи вакилимиз Камолиддин Расулов эса бронза медали учун ўтиш баҳсида япониялик Хикару Томокиога имкониятни бой берди ва 7-ўрин билан кифояланди.