22 июл 05:33
Янгиликлар

Бокс/ММА

Boom! Жанги бекор бўлган Зубайра Тухугов UFC 280 кардидан ўрин олади

Россиялик таниқли ММА устаси Зубайра Тухугов UFC 280 турнирида жанг қилиш учун шартнома олган.

Бу ҳақда Хабиб Нурмагомедов хабар берди.

"Жангга шартнома олинди, UFC 280, Абу-Даби, 22 октябрь!", - деб ёзган Хабиб ижтимоий тармоқдаги саҳифасига Зубайранинг суратини жойлаган ҳолда.

Маълумотларга қараганда, Зубайрага Лукас Алмейда рақиблик қилиши кутилмоқда. Лукас UFC'да ҳозирча битта жанг ўтказиб, ғалабага эришган. Ягона бўлиб турган жанг 5 июнь куни Майкл Тризанога қарши ўтказилган эди.

Эслатиб ўтамиз, Зубайра Тухугов сўнгги бор 2021 йилнинг 30 октябрида Рикардо Рамосга қарши жанг қилган эди.

Аслида, Зубайра 6 август куни Нейт Ландверга қарши жанг қилиши керак эди, бироқ жанг Зубайранинг АҚШга виза ола олмагани туфайли бекор бўлди.