17 авг 14:42
Янгиликлар

Бокс/ММА

BOOM! Санжар Зокиров ниҳоят ONE FC асосий Лигасида жанг қилади + ПОСТЕР

Ўзбекистонлик аралаш яккакураш устаси Санжар Зокировнинг навбатдаги жанги тафсилотлари маълум бўлди.

Ҳамюртимиз нуфузли ONE FC асосий Лигасида жанг қилиш имкониятига эга бўлмоқда. У 6 сентябрь куни АҚШнинг Колорадо штати, Денвер шаҳридаги "Ball Arena" мажмуасида ташкил этиладиган ONE 168 турнирида октагонга кўтарилади. Ўша куни Зокировга япониялик Хироба Миноуа рақиблик қилади.

Маълумот учун, Санжар Зокиров фаолияти давомида 10 та жанг ўтказиб, уларнинг барчасида рақибларидан устун келган. Япониялик Миноуа эса 14 ғалаба ва 5 мағлубият қайд этган.

Таъкидлаш жоиз, ONE FC асосий Лигасида ҳозирга қадар фақатгина бир нафар ҳамюртимиз — Жасур Мирзамуҳаммедов жанг қилиб, 1 ғалаба ва 1 мағлубият қайд этган эди.