UZ

Сўнгги янгиликлар

21:23Мурод Хонтўраев иштирокида ўтказилган матбуот анжуманидан ВИДЕО 0 21:14Расман: МЮ ҳимоячиси клуб билан шартномасини 2024 йилга қадар узайтирди 0 20:53Жаҳон чемпионати. Баҳодир Жалолов рақибини чуқур нокаутга учратди 30 20:39Қозоғистонлик кучли рақибни мағлуб этган Миразизбекнинг жангидан ФОТОГАЛЕРЕЯ 1 20:31Жаҳон чемпионати. Дилшодбек Рўзметов 1/4 финал жангини ўтказди 10 19:53Жаҳон чемпионати. Бобоусмон Батуров ҳам 1/2 финал иштирокчисига айланди 9 19:47U-16 Осиё чемпионати саралаши. Гуруҳдошимиз Ҳиндистон 5:0 ҳисобидаги ғалаба билан бошлади 0 19:29Жаҳон чемпионати. Мирзаҳалилов қозоғистонлик кучли боксчини мағлуб этиб, 1/2 финалга йўл олди 9 18:56Гандбол: Ўзбекистон ва Россия ҳамкорлиги ривожланмоқда 0 18:32Жаҳон чемпионати. Камида бронза медалини нақд қилган Шаҳобиддин Зоировнинг жангидан ФОТОГАЛЕРЕЯ 0 18:11U-16 Осиё чемпионати. Ўзбекистон бир киши кам бўлиб ҳам Баҳрайнни мағлуб этди 0 17:49Наманганда Жаҳон чемпионати ғолиб ва совриндорлари кутиб олинди 0 17:28Макгрегор декабрда бокс қоидалари асосида жанг ўтказади, рақиб ҳам маълум! 4 17:06Халқаро дзюдо федерацияси спорт директори Термизда 0 16:44Мурод Хонтўраев иштирокида ўтказилган матбуот анжуманидан ФОТОГАЛЕРЕЯ 0

14 июн 16:10
Янгиликлар

Тадбирлар, Токио-2020

Бош вазир ўринбосари иштирок этган МОҚ Ассамблеяси ҳақида батафсил + ФОТО

Бугун, 14 июнь куни Миллий олимпия қўмитасида ташкилотнинг 35-Бош Ассамблеяси бўлиб ўтди.

Йиғилишда Ўзбекистон Республикаси Бош вазирининг ўринбосари Азиз Абдуҳакимов, Ўзбекистон Республикаси Жисмоний тарбия ва спорт вазири Дилмурод Набиев, МОҚ ижроқўм аъзолари ҳамда ОАВ ходимлари иштирок этишди.

Бош котиб Жасур Матчанов кун тартибидан ўрин олган асосий масала ташкилотга янги вице-президентлар сайлаш эканлигини маълум қилди. Йиғилишда делегатларнинг 32 нафаридан 30 нафари қатнашди. Шу кунгача вице-президент сифатида фаолият юритган Аҳмаджон Раҳимов ва Комил Рўзиев ўз хоҳишига кўра вице-президентлик лавозимини тарк этди. 

Уларнинг ўрнига МОҚ раҳбари Рустам Шоабдураҳмонов Ўзбекистон бокс федерацияси раисиниинг биринчи ўринбосари Сакен Полатов, шунингдек, Ўзбекистон дзюдо федерацияси раиси Азизжон Комилов номзоди илгари сурилди. Кўрсатилган номзодлар бир овоздан қўллаб-қувватланди. 

Шу тариқа, Сакен Полатов ва Азиз Комилов Ўзбекистон Миллий олимпия қўмитасининг вице-президенти сифатида фаолият олиб борадиган бўлди. 

Йиғилиш давомида Миллий олимпия қўмитаси раҳбари Рустам Шоабдураҳмонов айни пайтда амалга оширилаётган ишлар, Токио Олимпиадасига тайёргарлик йўлида ишлаб чиқилган тезкор чора-тадбирлар ҳақида маълумот берди. Спортчиларни тиббий томонлама тайёрлаш бўйича амалга оширилаётган ишлар, федерацияларда юзага келган ҳолатлар, яратилган шароитлар ҳақида ҳам МОҚ раҳбари гапирди. 

Қолаверса, 2016 йилги билан таққослаганда хеч қандай инновацион янгиликлар йўқлиги танқид қилинди. Бу борада таклифлар мавжуд эмаслиги ҳақида МОҚ раҳбари куюниб гапирди. Тайёргарлик жараёни сифатини янада ошириш лозимлиги қайд этилди. Шунингдек, фақат хорижий йиғинларга эътибор қаратмай, маҳаллий мураббийлар тажрибасини ошириш кераклиги, ишга янгича йўналишда ёндошиш лозимлиги ҳам айтилди. 

Рустам Шоабдураҳмонов йиғилиш давомида хорижий мамлакатлар спортчиларини белгиланган тақвим-режани бузмай, шу асосида уларни Ўзбекистонга йиғинга таклиф қилиш кераклигини ҳам айтиб ўтди. Биргаликда, ҳамжиҳатликда ишлашга тайёр эканлигини маълум қилди. 

Бош вазир ўринбосари Азиз Абдуҳакимов ҳам вақт оз қолганлигини, Токио Олимпиадаси учун мақсад ва вазифалар катта эканлигини айтиб ўтди.

"Эътибор берган бўлсангиз, МОҚ раҳбари федерациялар билан шахсан танишиб чиқмоқда. Барчангизда келажак учун режалар бўлиши лозим. Федерацияларда бундай раҳбар жуда кам. Бундан ташқари, МОҚқа янги икки нафар раҳбар сайланди. Мамлакат раҳбарияти олдимизда турган Олимпия ўйинлари учун катта вазифаларни қўймоқда. Бунинг учун бизда барча шароитлар бор. Давлат пул ажратди. Бу солиқ тўловчиларнинг пулидир. Бизда шифохоналар, мактаблар ва ОТМлар бор - уларга ҳам катта маблағ керак бўлади. Аммо, Президентимиз спорт соҳаси учун ҳам маблағ топиб бердилар. Улар 

Янги раҳбарлар ҳақида гапирадиган бўлсам, Азиз Комилов Москвада фаолият олиб борган. Ўзи юрист. Тажрибали. Сакен Полатов ҳақида ҳам шундай илиқ фикрлар билдиришимиз мумкин. У молияни жуда яхши тушунади. 

Сизлар учун яхши пул берилади. Аммо, жавобгарлик катта бўлади. Халқнинг йўналтирилган пуллари натижа бера оладими? Бу жуда катта масъулият дегани. Бугундан бошлаб сизлар учун катта ваколат берилмоқда. Аввалги Олимпия ўйинларига нисбатан икки баробар кўп медаль ололмасак, бунинг учун жавоб берамиз. Халқимиз, Президентимиз олдида жавоб беришимиз керак бўлади. Буни барча яхши тушуниши лозим. Вақт жуда кам қолди. 

Асосий рақибларни ўрганиб, таҳлил олиб бориш лозим. Ҳукумат томонидан қўллаб-қувватлов катта. Сизларни хеч ким чеклаб қўяётгани йўқ. Агар вазифани бажара олмайдиганлар бўлса бошқа қарор қабул қилиш керак. Хеч ким шунчаки юрмаслиги керак. Агар буни бажаришни истамасангиз - яхшиси жойни бўшатиб қўйинг. "Планка" жуда юқори қўйилган. Ёдингиздан чиқмасин. Мен бу борада МОҚ, вазирлик, федерация мутасаддиларини эшитишга тайёрман. Эътиборингиз учун раҳмат", - деди Бош вазир ўринбосари Азиз Абдуҳакимов. 

Жисмоний тарбия ва спорт вазири Дилмурод Набиев ҳам сўзга чиқиб, ўзаро ҳамкорликда ишлаш лозимлигини қайд этиб ўтди. 

"Вазирлигимиз доимо сизларни қўллаб-қувватлашга тайёр. Янги сайланган мутасаддиларга омад тилаймиз. Токио Олимпиадаси йўлида тайёргарлик тўхтаб қолгани йўқ. 

Муаммолар ҳақида гапирадиган бўлсам, юртбошимиз томонидан илгари сурилган бешта ташаббусдан бири - ёшларни жисмоний тарбия ва спортга йўналтириш. Аммо, бу борада жойлардаги тегишли раҳбарлар томонидан хеч қандай таклифлар бўлгани йўқ. Биз жойларда спорт ривожи йўлида тарғибот-ташвиқот ишларини ҳам олиб боришимиз керак. Вазирлик имкон даражасида ушбу ишларни амалга оширмоқда. Рустам Мавзуровичдан ушбу масала борасида ҳамкорлик қилишни, ёрдам беришларини илтимос қиламан.

Иккинчи масала - университетга қабул. Бу борада ҳам спорт федерациялари ишламаяпти. Университетда ёки ихтисослаштирилган Олимпия захиралари мактаб-интернатларида шароитлар у қадар кўнгилдагидек эмас. Ўйлайманки, норозилар қолмади. Бу муаммоларни бартараф этиш учун ҳамжиҳатликда ишлашимиз керак", - деди Дилмурод Набиев. 

Шунинг билан Миллий олимпия қўмитасининг навбатдан ташқари йиғилиши якунига етди. 

Азиз Тўхтамуродов 

Фото: Толибжон Қосимов



Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг