UZ

Сўнгги янгиликлар

19:00Монтелла Балотелли нима учун Туркияни тарк этганини тушунтирди 0 18:33Усик: "Юқори натижага эришган спортчи бунчалик аҳмоқ бўлиши мумкин эмас" 0 18:11Жасур Алижонов UFC 280 турнирида Маҳмуд Мурадовнинг бурчагида ишлайди 1 17:50Геннадий Головкиннинг 2022 йилда қанча ишлаб олгани маълум бўлди 0 17:28АҚШ терма жамоаси устози ЖЧ-2022 фаворитини ажратиб кўрсатди 0 17:06Рафаэль дос Аньос UFC яримўрта вазн тоифасига қайтмоқчи 0 16:45Қаторасига учинчи марта вазн қила олмаган UFC гўзали ташкилотдан ҳайдалди 0 16:23Пойтахт вилояти чемпионлари Чирчиқда аниқланди 0 16:02Саудия Арабистони клуби президенти Роналдуга бўлган қизиқиш ҳақида гапирди 0 15:48Спортчилар ижтимоий тармоқларда 0 15:27Вазирликда жаҳон чемпионатига тайёргарлик муҳокама қилинди 0 15:06Дастин Порье Чендлерга қарши жанг режасини маълум қилди 0 14:45Ҳоланд Беллингемни "Манчестер Сити"га таклиф қилмоқда 0 14:23Александр Усик нима сабабдан Фьюрига қарши декабрда жанг қилмаслигини тушунтириб берди 0 14:00Федор Емельяненко: «Умид қиламанки, Бейдер сўзидан қайтмайди» 0

14 ноя 14:47
Янгиликлар

Велоспорт

Бош вазир ўринбосари пиёдалар юриши учун мўлжалланган йўлаклар аҳволини танқид қилди

Ўзбекистон Республикаси Бош вазирининг ўринбосари, Туризмни ривожлантириш давлат қўмитаси раиси Азиз Абдуҳакимов юртимиздаги шаҳарлар пиёда ва велосипедда юриш учун жуда ноқулай эканлиги ҳақида тўхталиб ўтди.

«Велосипедда юраман десангиз, ҳар ўн метрда ё ариқ учрайди, ё йўл бузилган бўлади, ё зина чиқиб қолади».

Kun.uz мухбирининг маълум қилишича, Тошкентда вилоят ҳокимларининг туризм ва спортни ривожлантириш масалалари бўйича ўринбосарлари учун ташкил этилган ўқув-семинарининг очилишида бош вазир ўринбосари Азиз Абдуҳакимов ҳам иштирок этган.

Азиз Абдуҳакимов ўз сўзида мазкур ўқув жараёни республикада туризм ва спортни ривожлантиришда ҳамкорлик қилиш ҳамда ўзаро тажриба алмашишда фойдали бўлишини айтиб, ечимини кутаётган айрим камчиликларга ҳам тўхталган. Хусусан, кўчалардаги пиёда ва велойўлаклар қониқарсиз аҳволда эканига алоҳида урғу берди.

«Ёшларимиз, бошқа катта ёшли аҳолимиз ҳам жисмоний машғулот билан шуғуллангиси келади. Лекин жой йўқ. Ўзимнинг мисолимда айтадиган бўлсам, бир нечта вилоят раҳбарлари билан кўчаларда юриб кўрдик. Узоқ бир қишлоқни айтмаяпман, йирик шаҳарларимиздаги ҳолат ҳам юриб бўлмайдиган даражада. На югурса бўлади, на велосипедда юрса. Белгиланган йўл белгилари йўқ. Велосипедда юраман десангиз, ҳар ўн метрда ё ариқ учрайди, ё йўл бузилган бўлади, ё зина чиқиб қолади ва ҳоказо.

Самарқандни мисол қилсак, вилоят ҳокими шаҳар ва туман раҳбарлари бир ҳафта кўчаларни пиёда айлансин, деб қарор чиқарди. Нимага вилоят ҳокими шунақа қарор қилди? Негаки, каттакон раҳбарлар машинада юраверса, оддий одамларимиз, фуқаролар пиёда юраётган йўлаклар ёки велойўлаклар қанақа ҳолатда эканини билмайди.», – деди бош вазир ўринбосари ўз сўзида.

Аввалроқ, Азиз Абдуҳакимов бошчилигидаги ишчи гуруҳ Тошкент шаҳридаги велойўлакчаларни кўздан кечирган эди.

Президент фармонига асосан, 2021 йил 1 майга қадар Ўзбекистон шаҳарлари ва ҳар бир туман марказида пиёда ва велосипедда юриш учун «Саломатлик йўлаклари» қурилади. Бу йўлаклар умумий узунлиги 3–5 км бўлиб, ўзаро узвий боғлиқ бўлади. Уларга энерготежамкор, ҳаракат сенсорлари билан жиҳозланган ёритиш тизимлари ўрнатилади. Йўлаклар бошланиши, оралиғи ва якунини кўрсатувчи йўл белгилари ва ёруғлик қайтарувчилар билан тўлиқ таъминланади. Бунда ногиронлиги бўлган шахслар учун қулайликлар яратиш ҳам кўзда тутилган.

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг