Бразилия ўз Олимпиячиларини Европага жўнатади

Мамлакатда вазият шу қадар оғирки, ушбу юртда 2020 йил бирорта ҳам спорт мусобақаси ўтказилмаслиги хавфи бор. Бразилия ҳукумати Олимпия спорт турлари бўйича ўзининг элита атлетлари спорт формасини ушлаб туриш мақсадида 200 нафар спортчисини Европада ўтадиган ўқув-машғулот йиғинларига жўнатишга қарор қилди. 

Мазкур лойиҳа июль-декабрь ойлари учун мўлжалланган бўлиб, бу муддат орасида асосан Токио Олимпиадасига йўлланма олган атлетлар Европа йиғинида бўлишади. Режага кўра, спортчиларнинг дастлабки гуруҳи келаси ой Португалияда машғулот ўтказишади.

Коронавирус ўчоқларидан бири бўлмиш Бразилия касалликка чалиниш кўрсаткичи бўйича АҚШдан кейинги иккинчи ўринда турибди. Ушбу мамлакатда 650 минг кишида ушбу инфекция аниқланган бўлиб, уларнинг 35 мингдан ортиғи ҳаётдан кўз юмган. Касалликка чалиниш бўйича кунлик кўрсаткич сўнгги 2 кунда 30 мингдан зиёд бўлиб турибди.