Breaking! Эндигина спортга қайтган Алишер Усмонов кутилмаганда Халқаро қиличбозлик федерацияси президентлигидан кетди, бунга нима сабаб бўлди?

Усмонов вакилининг "Риа Новости" нашрига маълум қилишича, функционер президент этиб сайланган кунининг эртасига ихтиёрий равишда ўз лавозимини тарк этган.

"Алишер Усмонов ўзининг сўзсиз ғалабасидан сўнг FIE манфаатларидан келиб чиқиб, унга нисбатан жорий этилган юридик жиҳатдан асоссиз санкцияларнинг FIE ва унинг фаолиятига тарқалишига йўл қўймаслик учун зарур чораларни кўришини маълум қилди ва шу муносабат билан FIE ижроия қўмитасини ўз ваколатларини ихтиёрий равишда тўхтатиб тургани ҳақида хабардор қилди. Ҳаммаси қонун ва адолат доирасида ҳал қилиниши керак", деган Усмоновнинг вакили.

"FIE Ижроия қўмитаси 1 декабрь куни йиғилиб, унга федерациянинг самарали фаолиятини таъминлаш мақсадида жаноб Алишер Усмоновнинг FIE президенти лавозимини ўз ихтиёри билан тўхтатиш тўғрисидаги қарори ҳақида маълумот берилди", дейилади федерация расмий хабарида.

Усмонов 2022 йилда ташкилотдан кетганидан кейин федерацияни бошқарган грециялик Эммануэль Кациадакис яна FIE муваққат президенти бўлди.

Маълумот учун, Алишер Усмонов 2008-2022 йилларда Халқаро қиличбозлик федерацияси президенти сифатида фаолият юритган.