08 июл 01:45
Янгиликлар

Футбол

BREAKING: Жасурбек Яхшибоевнинг янги жамоаси маълум

"Pressball" нашри "Энергетик-БГУ" таркибида ижара асосида ўйнаётган Жасурбек Яхшибоевнинг янги жамоасини маълум қилди.

"Pressball" хабарига кўра, Яхшибоев яқин вақтлар ичида Беларусь чемпионати турнир жадвалида етакчилик қилаётган Солигорскнинг "Шахтёр" жамоаси таркибига бориб қўшилади. Ҳозирча трансфер қандай кўриниш олиши аниқ эмас: "Пахтакор"дан ижара ёки футболчи сотиб олиниши ҳам мумкин.

Олдинроқ "Энергетик-БГУ" Дэвид Твэнинг таркибдан кетганлигини маълум қилганди. Либериялик футболчи Брестнинг "Динамо"сига ўтади. Яхшибоев ушбу мавсумда 14 ўйинда 9 бора рақиблари постига йўл топди.