08 авг 13:04
Янгиликлар

Шахмат

Breaking: Ўзбекистон 2026 йилги Бутунжаҳон шахмат Олимпиадасига мезбонлик қилади

Бугун Ҳиндистоннинг Ченнай шаҳрида Халқаро шахмат федерациясининг йиғилиши ташкил этилди.

Унда бир қатор масалалар кўриб чиқилди. Шу жумладан, 2026 йилги Бутунжаҳон шахмат Олимпиадасининг мезбони ҳам маълум бўлди.

Бу бўйича Ўзбекистон шахмат федерацияси раиси Алишер Саъдуллаев тақдимот ўтказди.

Овоз бериш жараёнида иштирок этган делегатлар бир овоздан ушбу нуфузли мусобақа Ўзбекистонда ўтказилишини қўллаб-қувватлади.

Шу тариқа, тўрт йилдан сўнг ўтказиладиган 46-Бутунжаҳон шахмат Олимпиадасига ватанимиз мезбонлик қиладиган бўлди. Бу борада Ўзбекистонга Польша ва Замбия мамлакатлари рақобат кўрсатганди.

Эслатиб ўтамиз, 2024 йилги шахмат Олимпиадаси Венгрия пойтахти Будапешт шаҳрида ўтказилади.