31 янв 17:49
Янгиликлар

Спорт курашлари

Breaking. Ўзбекистон россиялик таниқли курашчи, Жаҳон чемпионини маҳаллийлаштирди

Россиялик эркин курашчи Разамбек Жамалов эндиликда Ўзбекистон шарафини ҳимоя қилади.

У спорт фуқаролигини алмаштирди ва эндиликда бўлажак мусобақаларда Ўзбекистон номидан иштирок этади.

Маълумотларга кўра, Жамалов аллақачон ўз паспортини расмийлаштириб улгурган.

Қизиғи, 25 ёшли Разамбек Жамалов -74 кг вазн тоифасида жанг қилади. Бу вазнда Ўзбекистон терма жамоаси таркибида Токио-2020 Олимпиадаси совриндори Бекзод Абдураҳмонов ҳам бор.

Маълумот учун, Разамбек Жамалов ўсмирлар ўртасида жаҳон вице-чемпиони (2018), U23 ёш тоифасида Европа ва жаҳон чемпиони (2019) ва бир неча карра Россия чемпиони ҳисобланади.