23 май 08:28
Янгиликлар

Бокс/ММА

Breaking! Ўзбекистонлик ММА жангчиси Дана Уайт даъвогарлар сериясида жанг қилади!

UFC'га саралаб берувчи турнир - Дана Уайт даъвогарлар сериясининг 2024 йилги мавсуми яқинлашиб келмоқда.

Қувонарлиси, бу йилги серияда ўзбекистонлик аралаш яккакураш устаси Мирафзал Ахтамов ҳам иштирок этади. Бу ҳақда унинг ўзи Instagram саҳифаси орқали маълум қилди.

Мирафзалнинг сўзларига кўра, унинг рақиби ва жанг санаси икки ҳафтадан кейин бўлиб ўтадиган расмий қуръа маросимидан кейин аниқ бўлади.

Эслатиб ўтамиз, яримўрта вазн тоифасидаги Мирафзал Ахтамов сўнгги жангини 2023 йил ноябрь ойида америкалик Кейт Доусонга қарши ўтказиб, ғалаба қозонган эди. Аввалроқ, бошқа бир ҳамюртимиз - Анвар Бойназаров ҳам Дана Уайт даъвогарлар сериясида жанг қилиб, мағлуб бўлган эди.

Маълумот учун, айни дамда UFC'даги ўзбекистонликлар сони 2 нафарни ташкил этади, улар Нурсултон Рўзибоев ва Богдан Гусков.