БРИКС ўйинларида энг кўп медалга эга бўлган белбоғли курашчиларимиз жаҳон чемпионатида ҳам 14 та медаль қўлга киритишди + ФОТО

21 июнь куни ўтказилган кореш баҳсларида белбоғли курашчиларимиз 2 та кумуш, 6 та бронза медалини қўлга киритган бўлса, 22 июнь кунги белбоғли кураш беллашувларида 7 та олтин, 9 та кумуш ва 4 та бронза медалига эга чиқиб, спорт турлари орасида энг кўп 29 та медаллар жамғаришга муваффақ бўлишди. 

Эътиборли жиҳати, белбоғли кураш мусобақасида тўлиқ таркиб, яъни 20 нафар полвонимиз иштирок этди ва барчаси медалларга эришиб, умумжамоа ҳисобида Россия терма жамоасидан кейин иккинчи ўринни банд этди.

Кеча, 23 июнь куни шунингдек, Қозон шаҳрида татар корэши бўйича катталар ўртасида жаҳон чемпионати ўтказилди. Ушбу дунё биринчилигида 31 давлатдан 300 нафарга яқин спортчи иштирок этди ва белбоғли курашчиларимизнинг мазкур халқаро мусобақадаги  натижалари ҳам таҳсинга сазовор бўлди. 

Қуйида корэш бўйича жаҳон чемпионатида иштирок этган терма жамоамизнинг натижаларига эътибор қаратамиз. 

Олтин медаль соҳиби:

Ҳусниддин Рўзиев - 85 кг

Кумуш медаль соҳиблари: 

Нодир Абдумаликов - 60 

Ойбек Султонов - 70

Илҳом Машрабов - 80 кг

Жасурбек Исроилов - 90 кг

Нодирбек Аҳатжонов - 100 кг

Илёсбек Мирзаҳмедов - 130 кг

Ҳислат Пирматов - +130 кг

Бронза медаль соҳиблари:

Жамолиддин Неъматуллаев - 60 кг

Мардонбек Кимсанбоев - 65 кг

Азизжон Азимжонов - 70 кг

Нусрат Султонбоев - 85 кг

Бекзодбек Камолиддинов - 90 кг

Аъзамжон Анваржонов - +130 кг.

Илҳом РАҲМОНОВ тайёрлади