БРИКС ўйинларининг еттинчи куни нечта медаль қўлга киритдик?

Ўзбекистон делегацияси учун кечаги кун муваффақиятли ўтди. Кун давомида атлетларимиз 1 та олтин, 1 та кумуш ва 3 та бронза медалларини жамғаришга эришишди. 

Тажрибали каноэчимиз Артур Гулиев 200 метр масофада олтин медаль соҳибига айланди. Аёллар кураши вакиласи Нигина Собирова кумуш медални қўлга киритди. Қолган 3 та бронза медалини ҳам аёллар кураши вакилалари терма жамоамизга тақдим этишди.     

Кечаги кун қаҳрамонларимиз:

Олтин медаль:

Артур Гулиев (каноэ, 200 метр)

Кумуш медаль:

Нигина Собирова (аёллар кураши, -62 кг)

Бронза медаллар:

Дилфуза Аимбетова (аёллар кураши, -59 кг)

Динора Рустамова (аёллар кураши, -65 кг)

Светлана Оқназарова (аёллар кураши, -72 кг)

Еттинчи кундан сўнг Ўзбекистон делегацияси 4 та олтин, 13 та кумуш ва 21 та бронза медаллари билан Россия, Беларус ва Хитой жамоаларидан сўнг умумжамоа ҳисобида тўртинчи ўринга кўтарилиб олди.