Бу факт. Мустақил Ўзбекистон бу йил ўзининг саккизинчи ёзги Олимпиадасида қатнашади

Қайд этиш жоиз, бу Ўзбекистоннинг мустақил мамлакат сифатида иштирок этадиган саккизинчи ёзги Олимпиада ўйинлари сифатида тарихга киради.

Мамлакатимиз ҳозирга қадар ёзги ва қишки ўйинларни қўшиб ҳисоблаганда умумий ҳисобда 15 та Олимпиадада қатнашиб, 11 та олтин, 6 та кумуш ва 20 та бронза, жами 37 та медални қўлга киритган. Қизиғи, бу медалларнинг фақатгина биттаси — 1994 йилда Лина Черьязова томонидан қўлга киритилган олтин медаль Қишки Олимпиададаги иштирокимизга тўғри келади.

Юқорида ёзганимиздек, Париж-2024 Олимпиадаси Ўзбекистон учун ёзги Олимпия ўйинлари тарихида саккизинчиси бўлади.