"Бу ҳақида гапириб бўлмайди". Диллиан Уайт Жошуанинг жамоасини танқид қилди

"Хўш, биз шартномани қабул қилдик, юристларим барчасини кўриб чиқишди. Улар барчасини оммавий равишда ҳал қилишмоқчи бўлишди, бироқ музокаралар олиб боришмади. Менга стандарт шартнома таклиф қилинаётганини айтишди. Лекин ундай эмасди. Баъзи нарсаларни айтиб бўлмайди.

Улар менинг жаҳлимни чиқариш учун жуда оғир шартнома олиб келишди. Менга ундай шартнома керак эмас, шунчаки Саудия Арабистонида катта жанг бўлиши ва унда кучлиси ютиши керак. 

Бу жанг мен учун пул манбаси эмас, имконият бўлиши керак, шу сабабли мен таклиф қилинган гонорарга рози бўлдим. Аммо улар шартномага ўзгартириш киритиб, реванш вариантини қўшишмоқчи. Менга шунчаки битта оддий жанг керак, унда ғолиб бўлган кейинги босқичга чиқади. Шу ҳолос", - деди Уайт.