"Бу мен учун кичик бошоғриқ" - Хабиб мураббийлик фаолияти ҳақида гапирди

- Ислам ва бошқа жамоадошларингнинг машғулот лагерига бошчилик қилдинг. Сен айнан шундай бўлишини истаганмидинг?

- Тўғрисини айтсам, йўқ. Менда режа бошқача эди: бу ерга оилам билан келиш. Аммо бир ой қолганда барчаси ўзгариб кетди. Аввалига Исламнинг жанги белгиланди, кейин эса Умарнинг жанги эълон қилинди, кейин Тагирники. Мен Исламнинг жангига 3 ҳафта қолганида бу ерга келмоқчи эдим, 6 ёки 7 ҳафта олдин эмас.

- Фаолиятинг тугаганидан кейин сенга шундай масъулият тушишини билганмидинг?

- Буни тўғри қабул қиламан, аммо бу қадар қийин эканлигини билмасдим. Кураш тушиб юрган пайтимда барчаси осон эди, мен бўлаётган ишларни назорат қилиб турардим. Мураббийнинг ҳаёти умуман бошқача - чунки мен фақатгина қафас ташқарисида туриб маслаҳат беришим мумкин. Бу мен учун бироз ноодатий. Шунингдек кичик бошоғриқ ҳам.