13 май 15:17
Янгиликлар

Енгил атлетика

Бу қизиқ! Финишда "суперменча сакраш" орқали ғалаба қозонган спортчи шов-шувга сабаб бўлди ВИДЕО

Фейетвиллда енгил атлетика бўйича SEC Outdoor Track & Field Championships турнирида қизиқ ҳолат юз берди.

Америкалик 21 ёшли Инфинит Такер 400 метрга тўсиқлар оша югуриш баҳсларида пойга давомида устунлик қилиб келди. Аммо, маррага яқин қолганда унинг жамоадоши, бошқа бир америкалик спортчи Роберт Грант қувиб ўтди.

Шунда Такер ғалабани бой бермаслик мақсадида финиш олдида "суперменча сакраш"ни амалга оширди.

Твиттерда ушбу видео деярли 2 миллион маротаба томоша қилинди.

"10-тўсиқдан сўнг кўзларимни юмиб олдим. Кўзимни очиб онамни кўрдим ва уни бағримга босиш учун сакрадим. Бор гап шу", - деб ҳазиллашди Такер.