Бу қизиқ! Икки ёки ундан кўп марта Олимпиада совриндорига айланган ўзбекистонлик спортчилар рўйхати билан танишинг

Париж-2024 XXXIII ёзги Олимпия ўйинларида ўзбекистонлик тўрт нафар спортчи икки карра Олимпиада ғолиб ва совриндорларига айланишди.

Булар: таэквондочи Улуғбек Рашитов, боксчилар Ҳасанбой Дўсматов ва Баҳодир Жалолов ҳамда оғир атлетикачи Акбар Жўраев. 

Шу тариқа, Олимпиадаларда икки ёки ундан кўп маротаба ғолиб ва совриндорга айланган спортчиларимизнинг умумий сони 6 нафарга етди.

2 та олтин: Улуғбек Рашитов (таэквондо, Токио-2020 ва Париж-2024)

2 та олтин: Ҳасанбой Дўсматов (бокс, Рио-2016 ва Париж-2024)

2 та олтин: Баҳодир Жалолов (бокс, Токио-2020 ва Париж-2024)

1 та олтин ва 1 та кумуш: Артур Таймазов (эркин кураш, Афина-2004 ва Сидней-2000)

1 та олтин ва 1 та кумуш Акбар Жўраев (оғир атлетика, Токио-2020 ва Париж-2024)

3 та бронза: Ришод Собиров (дзюдо, Пекин-2008, Лондон-2012 ва Рио-2016).