Бу қизиқ! Мажбурий ўзгариш сабаб октагонга чиқиб, чемпион бўлган UFC жангчилари

Бироқ доим ҳам воқеалар ташкилотчиларнинг истаганидек бўлмайди. Баъзида жангчилар жароҳат олиши ва уларнинг ўрнига бошқа спортчилар октагонга кўтарилиши мумкин бўлади. Бугун мажбурий ўзгариш сабаб октагонга чиқиб, чемпион бўлган UFC жангчилари ҳақида фикр билдирамиз.

Карлос Кондит 

2012 йилда яримўрта вазн тоифаси UFC'да Жорж Сен-Пьер ҳукмдорлиги остида ўтаётган эди. Чемпион навбатдаги жангини Ник Диасга қарши ўтказиши лозим эди. Бироқ Ник интервьюлардан бирида UFC ҳақида кўплаб керак бўлмаган гапларни гапирди ва шу сабабли ҳам Дана уни Карлон Кондитга алиштирди. Бироқ Жорж ҳам жангга оз қолганда жиддий жароҳат олди. Шундан сўнг чемпионлик жанги бекор бўлди. Жорж Сен-Пьер жароҳатдан қутилганидан сўнг янада жиддийроқ жароҳат олди ва эндиликда Дана вазнда вақтинчалик чемпионни аниқлаши керак эди. Ник учун Кондит рақиб сифатида берилди. Тўлиқ давом этган баҳсда Ник мағлуб бўлди ва шу тариқа Карлос Кондит Жорж Сен-Пьернинг ўрнига октагонга кўтарилиб, UFC камарини қўлга киритди.

Даниел Кормье

UFC 177 кечасида яримоғир вазн тоифасида UFC камари соҳиби Жон Жонс даъвогар Энтони Жонсонга қарши жанг қилиши лозим эди. Бироқ Жон Жонснинг суд билан муаммолар бўлгани сабабли жанги бекор бўлди. Шундан сўнг UFC Жон Жонсни камардан маҳрум қилди ва унинг ўрнига Даниель Кормье Жонсонга рақиб сифатида берилди. Жанг куни эса Жонсон курашчига қарши жангга тайёр эмаслиги кўриниб қолди. Даниел Кормье уни қийинчиликсиз мағлуб этди ва яримоғир вазн тоифасида UFC камарини қўлга киритди.

Жон Жонс

2011 йилда яримоғир вазн тоифасида UFC камари соҳиби Маурисио Руа бўлган. У Рашад Эвансга қарши жанг қилиши лозим эди, бироқ жангга оз қолганида Рашад жароҳат олди ва унинг ўрнига UFC 23 ёшли истеъдодли жангчи Жон Жонс октагонга ташлашга қарор қилди. 2 ярим раунднинг ичида Жонс рақибини мағлуб этди ва UFC камарини қўлга киритди. Бу ғалаба орқали Жонс UFC'да чемпион бўлган энг ёш жангчига айланди.  

Дастин Порье

Холлоуэй - Порье ўртасидаги вақтинчалик чемпионлик жанги иккита сабабга кўра содир бўлди. Биринчидан вазн чемпиони Хабиб Нурмагомедов Конорга қарши жангдан сўнг тўққиз ойлик четлатишга учраганди. Биринчи рақамли даъвогар Тони Фергюсон эса Холлоуэйга қарши жанг қилишдан воз кечди ва шу сабабли ҳам Максга Дастин рақиб сифатида берилди. Кўпчилик учун бу жангда Холлоуэй фаворит ҳисобланарди. Бироқ беш раунд давом этган жангда Порье вақтинчалик камарни қўлга киритди.

Жастин Гетжи

UFC 249 кечасида Хабиб Нурмагомедов Тони Фергюсонга қарши октагонга кўтарилиши лозим эди, бироқ коронавирус сабабли чемпион жанг қила олмади. Аммо ташкилот раҳбари бу оқшомни сақлаб қолиш учун Тонига қарши жангга Гетжини ташлашга қарор қилди. Жастин ҳам қисқа муддатда октагонга кўтарилишга рози бўлди ва ҳеч ким кутмаганида Гетжи ғалаба қозонди. Шу тариқа, у вақтинчалик UFC камарини қўлга киритди.

Ниғмонхўжа Нозимов тайёрлади