"Бу тўғри қадамми?" — Камилла Раҳимова Ўзбекистон фуқаролигини қабул қилганига илк бор изоҳ берди

Хабарингиз бор, теннисчи WTA турнирларида Ўзбекистон байроғи остида иштирок эта бошлади.

"Жамоам ва оилам билан узоқ мулоҳаза ва муҳокамалардан сўнг спорт фуқаролигимни ўзгартиришга қарор қилдим. Бу осон қарор эмас эди, лекин мен ишонаманки, бу менинг теннисдаги келажагим учун тўғри қадам - ҳам профессионал, ҳам шахсий жиҳатдан.

Қарорим амбицияларим, мартаба мақсадларим ва спортчи сифатида ривожланишим учун энг яхши имкониятларни тақдим этишига ишонаман. Бу ўзгариш менинг қон илдизларим, аввалги жамоам ва федерацияга бўлган ҳурматимни йўқотмаслигини таъкидламоқчиман. Ўтмишимга фахр ва миннатдорлик билан қарайман. Аммо ҳозир мен олдинга қараяпман - янги имкониятлар, янги чақириқлар ва янги мақсадлар.

Мени қўллаб-қувватлаётган барчага раҳмат. Сизнинг хабарларингиз, менга бўлган ишончингиз ва турнирларга ташриф буюриб, мени олқишлашингиз мен учун жуда муҳим. Умид қиламанки, йўлимнинг янги саҳифасида мен билан бирга бўласиз", - деб ёзди Раҳимова ижтимоий тармоқдаги саҳифсида.

Эслатиб ўтамиз, эндиликда мамлакатимизнинг биринчи ракеткаси Камилла Раҳимова икки кун аввал Франциянинг Анже шаҳридаги WTA 125 тоифасига кирувчи турнирда чемпион бўлганди.