19 июл 13:30
Янгиликлар

Футбол

"Бу уятли ҳолат. Дешам учун аламли". Мбаппе Франциянинг бронза учун ўйиндаги мағлубиятига изоҳ берди

Франция терма жамоаси ҳужумчиси ва сардори Килиан Мбаппе жаҳон чемпионатининг учинчи ўрини учун кечган баҳс натижасидан норози бўлди.

"Якунда биз ғалаба қозона олмадик ва бу уятли ҳолат. Мураббийимиз учун аламли бўлди. Биз у учун ажойиб совға тақдим этмоқчи эдик. Биринчи бўлимдаги ўйинимиз туфайли гўёки уни уятга қолдиргандек таассурот уйғонди — биз унинг ўзини бундай ҳис қилишини асло истамагандик. Аммо бу ўйин Дидье Дешамнинг қолдирган буюк меросига асло соя сола олмайди", — дея Мбаппенинг сўзларини ФИФА расмий сайти келтирмоқда.

Аввалроқ Дешам Франция терма жамосини тарк этиши ҳақида хабар берилган эди. Ушбу учрашув унинг терма жамоадаги 14 йиллик фаолиятидаги сўнгги ўйини бўлди. Франция миллий жамоаси ЖЧ-2014дан буён илк бор жаҳон биринчилигини медалларсиз якунлади.